कोशी प्रदेश मुख्यमन्त्री तथा मन्त्रिपरिषद्का कार्यालयले प्रदेशका १० जिल्ला अस्पतालका मेडिकल सुपरिटेन्डेन्टहरुको सरुवा प्रक्रिया अगाडि बढाएको छ । जसमा अधिकांश निमित्तको जिम्मेवारी दिएर खटन पटन गर्ने तयारी चल्दैछ । यसरी कर्मचारी सरुवा गरेर लैजाँदा मन्त्रीले आफ्नो गृह जिल्लामा आफ्ना एसम्यानलाई निमित्तको जिम्मेवारी दिएर इनरुवाबाट खोटाङ लैजाने प्रक्रिया अगाडि बढाएका छन् ।
बिज्ञापन
भौतिकदेखि स्वास्थ्य मन्त्रीको जिम्मेवारी सम्हालिरहेका भुपेन्द्र राईले आफू निकटस्थ एक विवाद्स्पद कर्मचारीलाई सबैभन्दा बढी बजेट रहेको जिल्लामा मेडिकल सुपरिटेन्डेन्टको जिम्मेवारी दिने तयारी गरिरहेका छन् । कोशी प्रदेशको स्वास्थ्य मन्त्रालयको सचिवस्तरीय निणर्ययले अस्पताल तथा स्वास्थ्य तर्फका २२ र आयुर्वेदतर्फका १५ कर्मचारीहरुको सरुवा गरेकै मितिमा सो प्रदेशका १५ मध्ये १० अस्पतालका मेडिकल सुपरिटेण्डेन्टहरु परिवर्तन गर्ने टिप्पणी उठाएर मुख्यमन्त्री तथा मन्त्रिपरिषद्को कार्यालयमा पठाइएको हो ।
बिज्ञापन
जसमा सबैभन्दा बढी बजेट रहेको खोटाङ जिल्ला अस्पतालको मेसुमा मन्त्री राईले आफू निकटस्थ एक कर्मचारीलाई निमित्त बनाएर पठाउन चलखेल गरिरहेको स्रोतको दावी छ । त्यहाँ अहिले रुपेश संग्रौला कार्यरत छन्,उनी सो अस्पतालका मेसु हुन । उनलाई त्यहाँबाट हटाएर मन्त्री राईले हाल इनरुवास्थित जिल्ला अस्पताल सुनसरीको निमित्त मेसुको भूमिकामा रहेकाडा डा अमिताभ ठाकुरलाई खटाउने गरी चाँजो पाँचो मिलाइरहेको स्रोतको दावी छ । उनी ०८१ पुस १५ मा इनरुवास्थित जिल्ला अस्पताल सुनसरीको निमित्त मेडिकल सुपरिटेन्डेन्टको भूमिकामा थिए । झण्डै बर्ष दिन निमित्त चलाए पछि प्रदेशको सबैभन्दा धेरै बजेट रहेको खोटाङ जिल्ला अस्पतालको मेसुको रुपमा खटाउने गरी प्रक्रिया अगाडि बढाइएको मुख्यमन्त्री तथा मन्त्रिपरिषद् कार्यालउ स्रोतले जनाएको छ । ठाकुर अधिकांश कार्यालयमा निमित्तकै भूमिकामा बसेका कर्मचारी हुन । यस अघि खोटाङ,धनकुटाको, नुवाकोटको त्रिशुली अस्पताल, सिन्धुली अस्पतालको समेत निमित्त मेसु चलाएका हुन । उनी आठौं तहका कर्मचारी हुन ।
बिज्ञापन
मन्त्री राईका लागि ठाकुर कतिसम्म विश्वास पात्र हुन भने त्यहाँ नवौं तहका डाक्टर डा. अमरेश कुशवाहलाई मेसुको जिम्मेवारी दिइएन । उल्टै आठौं तहका डाक्टर ठाकुरको अण्डरमा काम गर्ने गरी राखियो,बर्ष दिनदेखि । त्यहाँ आश्चर्य,आठौं तहका ठाकुर निमित्त मेसुका रुपमा कार्यरत थिए भने नवौं तहका कुशवाह उनै निमित्तको अण्डरमा । बर्ष दिनदेखि एक सिनियर चिकित्सकमाथि ज्यादती गर्दै आएका उनै मन्त्रीले तिनै आठौं तहका ठाकुरलाई मन्त्रीले आफ्नो गृह जिल्लामा लैजान खोजेका हुन । आठौं तहका चिकित्सकलाई आफ्नो गृह जिल्लामा लैजाने गरी टिप्पणी उठेर प्रदेशको मुख्यमन्त्री तथा मन्त्रिपरिषद्को कार्यालयमा फाइल पुगिसकेको छ । मन्त्री राईले बरिष्ठ कर्मचारीहरुलाई पाखा लगाएर उनै ठाकुरलाई खोटाङमा निमित्त बनाएर लैजान खोजेसँगै प्रदेशका सिनियर डाक्टरहरुले आपत्ति जनाएका छन् । मन्त्रीले आफ्ना विश्वासपात्र कर्मचारीलाई निमित्त मेसु बनाएर खोटाङ लैजान खोज्नुको पछाडि त्यहाँ रहेको बजेट हो । जिल्लाका कुनै अस्पतालले ९/१० लाख बजेट परेका छन् तर मन्त्रीले आफ्ना गृह जिल्लामा करोडौं बजेट खन्याएका छन् । अस्पताल सेवा विस्तार,प्रदेशस्तरीय स्वास्थ्य संस्था तथा सरकारी अस्पतालको न्यूनतम सेवा,नसर्ने रोग तथा मानसिक स्वास्थ्य कार्यक्रम,प्रसुति प्रतिक्षा कक्ष शीर्षकमा करोडौं बजेट मन्त्रीको जिल्लाको अस्पतालले पाएको देखिन्छ । सो अस्पताललाई करोडौं पूँजीगत बजेट नै छुट्टाइएको छ । त्यही बजेटमा खेल्न पाइने भएका कारण उनले आफू अनुकुलका कर्मचारीलाई निमित्त दिएर खोटाङ लैजान खोजेका हुन ।
निमित्त मेसु ठाकुर स्त्री रोग विशेषज्ञ हुन । उनी जहाँ र जुन अस्पतालको नेतृत्वमा रहें,उनको कार्यशैली र कार्यसम्पादनका कारण विवादमा मुछिएका चिकित्सक हुन । उनै विवादित पात्रलाई मन्त्रीले आफ्नो गृहजिल्लाको अस्पतालमा निमित्त हाकिम बनाएर लैजान खोजेका हुन ।
खोटाङ उनै मन्त्री राईको गृह जिल्ला हो । उसो त मन्त्री राई यस अघि नै विवादमा परेका छन्,स्वकीयका कारण । उनका स्वकीय अमृत गिरीमाथि घुस लिएको आरोप लागेको छ । गत माघमा झापा लखनपुरस्थित प्रादेशिक आयुर्वेद अस्पतालमा करारमा कर्मचारी नियुक्त गर्दा रकम लिएको भिडियो नै सार्वजनिक भएको थियो । रामप्रकाश यादवलाई करार सेवामा रेडियोग्राफर पदमा नियुक्त गर्न गिरीले ५० हजार रकम लिएको भिडियो नै सार्वजनिक भएको थियो ।अहिले फेरि विवादित छविका चिकित्सकलाई च्याप्दा मन्त्री राई विवादमा तानिएका छन् ।
